Суданда террорчулар төрөт үйүнө кол салып, 460тан ашык адам каза тапты
Суданда террордук уюм төрөт үйүн басып алып, бардык дарыгерлер менен бейтаптарга кол салды, жалпы 460тан ашык адам каза болду. Бул тууралуу Bild басылмасы кабарлады.
Маалым болгондой, 2025-жылы гана Судандагы террордук уюм медициналык мекемелерге 49 жолу кол салган, натыйжада 966 адам өлгөн.
Бул окуя Түндүк Дарфур штатынын борбору Аль-Фаширдеги Сауд төрөт үйүндө болгон. Кылмышкерлер шаарды өкмөттүк күчтөр менен бир жарым жылдык кагылышуудан кийин 25-26-октябрда басып алышкан. Судандын медициналык тармагынын маалыматы боюнча, шаар басып алынып жатканда террорчулар 1500дөн кем эмес куралсыз жарандарды өлтүргөн, анын ичинде качууга аракет кылгандар да бар. Бул маалымат азырынча толук тастыктала элек.
Дүйнөлүк саламаттык сактоо уюмунун маалыматына ылайык, Судандагы бир жарым жылдык согушта 185 медициналык мекемеге кол салуу катталган, натыйжада 1204 адам каза таап, 416 адам жаракат алган.
0
1 |

Супер-Инфо
super.kg видео















