АКШ 30 жылдан кийин кайрадан өзөктүк курал сыноолорун баштайт

АКШ президенти Дональд Трамп өлкөдө 30 жылдан ашык убакыттан бери токтотулуп келген өзөктүк курал сыноолорун кайра жандатуу боюнча буйрук берди. Ал бул чечимди Орусия жана Кытай өзөктүк программаларын күчөтүп жатканын жүйө келтирип негиздеди. Трамп социалдык тармактагы билдирүүсүндө "башка державалар тең ата сыноо жүргүзүп жаткан шартта АКШ да өз программасын башташы керек" деп белгиледи.

АКШ акыркы жолу 1992-жылы Невададагы жер астындагы полигондо "Divider" аттуу сыноону жүргүзгөн. Трамп жаңы чечими менен көп жылдык мораторийди практикада жокко чыгарып, процессти дароо баштоо керектигин айтты. Президенттин айтымында, Кытайдын өзөктүк потенциалы беш жыл ичинде АКШ деңгээлине жакындайт.

Трамп сыноолор кандай форматта өтөрүн так айткан жок. Ал өзөктүк куралдардын "өлчөөсүз кыйратуучу күчүнө" карабастан, АКШнын арсеналын жаңыртуу "жалгыз жол" болгонун белгиледи. Невададагы сыноо полигону бүгүн да федералдык өкмөттүн карамагында жана талап кылынса кайра колдонууга даяр экени айтылат.