Ливан президенти армияга Израил аскерлеринин кирүүсүнө каршы турууну тапшырды
Ливан президенти Жозеф Авн өз армиясына Израил күчтөрү кургактыктан өлкө аймагына кирүүгө аракет кылса, бөгөт коюу боюнча буйрук берди. Бул тууралуу Ливандын расмий NNA агенттиги билдирди.
Маалыматка караганда, Авн Израил армиясы Ливандын түштүгүндөгү Белида кыштагына жасаган рейдден кийин Башкы штабдын жетекчиси Рудольф Хайкел менен Бейруттагы Баабда сарайында жолуккан. Жолугушууда президент рейдде бир адамдын каза болгону тууралуу маалымат алды.
Авн бул окуя Израилдин Ливанга каршы чабуулдарынын бири экенин белгилеп, армиядан мамлекеттин аймактык бүтүндүгүн жана жарандардын коопсуздугун коргоону талап кылды.
Эске салсак, Израил аскерлери түн ичинде Белида аймагындагы муниципалдык имаратка унаалар менен кирип, натыйжада бир кызматкер көз жумган.
0

Супер-Инфо
super.kg видео















