Германияда жаңы тренд пайда болду (видео)

Германияда жаңы тренд пайда болду. Бул тууралуу чет элдик басылмалар жазып, видеолор менен бөлүшүп жатышат.

Анда адамдар сейилдөөгө чыкканда колуна итти байлаган боону кармап алышат. Тренд жасап жаткандар үй жаныбары чындап эле жанында жүргөндөй аракеттерди кылышып, колундагы боо менен сейилдөөгө чыгышат.

Аталган тренд бир караганда кызыктай көрүнгөн кылык-жорук болгону менен, аны жасап жатышкандар тренддин өзүнүн философиясы бар экенин айтышкан. Муну алар стресс, тынчсыздануу жана жалгыздык менен күрөшүүнүн бир жолу катары түшүндүрүшкөн.

Бирок мындай трендди кайталап жаткандарды сынга алгандар дагы жок эмес.

Учурда мындай кыймыл-аракет дүйнөлүк трендге айлана элек, бирок ал Германияда гана эмес, Чехияда, Финляндияда жана Нидерландда да колдонула баштады.