Эпштейнге козголгон кылмыш ишине байланыштуу Улуу Британиянын ханзаадасы Эндрю титулсуз калды

Улуу Британия падышасы Карл III иниси, ханзаада Эндрюну бардык титулдарынан ажыратып, Виндзор сарайынан чыгарат. Бул тууралуу чет элдик басылмалар жазышууда.

Маалым болгондой, Эндрю эми Royal Lodge резиденциясын таштап, Сандрингемдеги жеке имаратка көчөт, ал жердин ижара акысын ханзаада өз каражатынан төлөп берет. Бул чечим анын америкалык финансист Жеффри Эпштейн менен байланышынан улам кабыл алынды.

Ал мындан ары Эндрю Маунтбеттен-Виндзор деп аталат. Ал буга чейин герцог Йоркский титулун өткөрүп берген жана көптөгөн башка наамдарынан ажыратылган. Бирок мураскер катары сегизинчи орунда калат.

Эске сала кетсек, 2019-жылы Жеффри Эпштейнге АКШда жашы жете электерди сексуалдык эксплуатация максатында сатууга байланыштуу айып коюлуп, ага 40 жылга чейин эркинен ажыратуу коркунучу жаралган. Айыптоочулардын маалыматы боюнча, ал 2002-2005-жылдары ондогон жашы жете элек кыздар менен жыныстык байланышта болуп, кээ бирлерине жаңы кыздарды алып келүүгө буйрук берген. Айрым жабырлануучулардын 14 жашка да толо элек болгону айтылган.

Эпштейндин жансыз денеси 2019-жылы сот процесси жүрүп жатканда, абактан табылган. Расмий маалыматтар боюнча, ал өзүнө кол салган. Бирок анын өлүмүнө байланыштуу көптөгөн божомолдор айтылып келет.