Светлана Назаренко инсультка кабылгандан кийин биринчи жолу "Город 312" менен сахнага чыкты
"Город 312" тобунун ырчысы Светлана Назаренко оор инсульттан кийин биринчи жолу сахнага чыкты. Бул тууралуу РИА Новости жазды.
Маалыматка ылайык, ал Москвадагы "ВТБ Аренада" өтүп жаткан "Алтын граммофон" юбилейлик музыкалык сыйлыгынын кечесинде сахнага чыгып, "Останусь" ырын аткарды. Назаренко акыркы жолу сахнага мындан 2 жыл 7 ай мурун чыккан.
Топтун мүчөлөрү анын абалы жакшырып жатканын билдиришип, бул күн алар үчүн өзгөчө толкундануу жаратканын айтышты. Учурда Назаренко гастролдорго чыга элек, бирок кайрадан сахнага кайтууга активдүү даярданып жатканы белгиленди.
Музыканттардын айтымында, топ азыр анын реабилитациясын колдоо үчүн иштеп жатат. Эске салсак, буга чейин Светлана Назаренко Андрей Малаховго берген маегинде анын инсультка кабылышына COVID-19 себеп болгонун айткан.
0

Супер-Инфо
super.kg видео















