Өлкөнүн жаш окумуштуулары Кытайга илимий стажировкага жөнөтүлүүдө

Илим, жогорку билим берүү жана инновациялар министрлиги жаш окумуштууларды Кытай Эл Республикасына илимий стажировкага жөнөтүүдө. Бул тууралуу мекеменин маалымат кызматы билдирди.

Маалым болгондой, илимий стажировкага катышуучулар ачык сынактын негизинде тандалып, алар эки өлкөнүн министрликтеринин ортосунда макулдашылган илимдин артыкчылыктуу багыттары боюнча жөнөтүлүүдө. Бул багыттарга медицина, айыл чарба, геология, сейсмология, жашыл экономика, экология, биотехнология жана индустриализациялоо кирет.

"Сынактын жеңүүчүлөрү илимий даражасы бар же жок экенине карабастан, кесипкөйлүгү жана англис тилин эркин билүүсү аркылуу тандалып алынган. Талапкерлердин жаш курагы 45 жаштан ашпоого тийиш. Илимий стажировканын мөөнөтү 3 айдан 12 айга чейин. Жыйынтыгында ар бир катышуучу Кытайдагы илимий жана билим берүү мекемелеринен алган тажрыйбанын негизинде Кыргызстандын социалдык көйгөйлөрүн чечүүгө багытталган илимий-техникалык долбоор сунуштоо милдетин аткарат",- деп белгиленген маалыматта.