ТМУнун Жарандык коргонуу механизмин түзүү жөнүндө макулдашуу ратификацияланды

Мамлекет башчысы Садыр Жапаров "Түрк мамлекеттер уюмунун Жарандык коргонуу механизмин түзүү жөнүндө макулдашууну ратификациялоо тууралуу” мыйзамга кол койду. Бул тууралуу президенттин расмий сайтына жарыяланды.

Маалыматка караганда, аталган макулдашууга 2024-жылдын 6-ноябрында Бишкек шаарында кол коюлган. Ал эми мыйзам Жогорку Кеңеш тарабынан ушул жылдын 24-сентябрында кабыл алынган.

Бул мыйзам ТМУнун Жарандык коргонуу механизмин түзүү жөнүндө макулдашууну күчүнө кирүүсү боюнча мамлекет ичиндеги жол-жоболорду аткаруу максатында кабыл алынган.

"Макулдашуу ТМУ мүмкүн болгон өзгөчө кырдаалдарга даярдыкты жана чара көрүүнү камсыз кылууну, ошондой эле табигый жана техногендик мүнөздөгү өзгөчө кырдаалдардын кесепеттерин жоюуда өз ара жардам көрсөтүүнү карайт",- деп белгиленет документте.