Франция президенти Эммануэль Макронго элдин колдоосу тарыхый минимумга түштү

Франция президенти Эммануэль Макронго элдин колдоосу тарыхый минимумга түштү. Бул тууралуу Le Figaro гезити жарыялаган сурамжылоонун жыйынтыгында белгилүү болду.

Ага ылайык, учурда аны колдогондор болгону 11 пайыз. Буга чейин июлда Европарламент шайлоосунда союзунун жеңилүүсүнөн кийин парламентти таркатуу чечими кабыл алынган, бирок бул кадам кескин сынга кабылтып, саясий кризисти тереңдеткен. Натыйжада парламент иши дээрлик токтоп, өлкө башкаруусу татаалдады.

Макрон бийликке келген 2017-жылдан бери жети премьер-министр алмашты. Алардын катарында Эдуард Филипп, Жан Кастекс, Элизабет Борн, Габриэль Атталь, Мишель Барнье жана Франсуа Байру бар. Азыркы премьер Себастьян Лекорню да октябрда отставкага кетерин билдирген, бирок кийин кайра дайындалган.

Verian Group жүргүзгөн сурамжылоо жыйынтыгында, Макрондун 11 пайыздык рейтинги 2016-жылы ушундай эле деңгээлге түшкөн экс-президент Франсуа Олланддын көрсөткүчүнө теңелди. Бул аны акыркы 50 жылдагы Франциянын элдин колдоосу эң төмөн президенттеринин бири кылып көрсөтүүдө. Рейтингдин түшүшүнө өлкөдөгү өсүп жаткан мамлекеттик карыз, бюджет тартыштыгы жана кредиттик уюмдардын Франциянын баасын төмөндөтүшү да таасир эткен. Эксперттер жакынкы айларда саясий-экономикалык абал оңой болбой турганын божомолдошууда.