YouTube менен Disney ортосунда жаңжал чыгып, Disney’ге таандык телеканалдар өчүрүлдү
Видеохостинг YouTube өзүнүн YouTube TVдан Disney’ге таандык телеканалдарды, тагыраагы, ESPN, ABC, FX, National Geographic, Disney Channel, ABC News жана башкаларды өчүрдү. Бул тууралуу Reuters агенттиги билдирди.
Маалыматка караганда, YouTube жана Disney көп убакыттан бери жаңы лицензиялык келишим боюнча сүйлөшүүлөрдү жүргүзүп келишкен. Disney лицензиялык төлөмдөрдү көбөйтүүнү талап кылган. Себеби ESPN жана анын филиалдык телеканалдары буга чейин эле спорттук мелдештерди көрсөтүүдө рынокто эң кымбат болуп келген.
YouTube өкүлдөрү билдиргендей, Disney сунуш кылган жаңы шарттар компаниянын жетекчилигин канааттандырган эмес. Ал эми Disney өз кезегинде Google компаниясынан башка контент дистрибьюторлору төлөгөндөй эле акы талап кыларын билдирген.
Бул талаштын натыйжасында Disney компаниясына таандык телеканалдар өчүрүлдү. Учурда эки компания сүйлөшүүлөрдү улантууда.
YouTube ошондой эле эгерде келишим жакын арада түзүлбөсө, анда колдонуучуларга YouTube TV кызматын төлөөдө 20 пайыз арзандатуу купону берилерин билдирди.
0

Супер-Инфо
super.kg видео















