Самбочулар ардагерлер арасында Дүйнө чемпиондугунда үч байгеге ээ болушту (фото)
Кыргызстандык спортчулар Өзбекстандын Бухара шаарында өтүп жаткан самбо боюнча ардагерлер арасындагы Дүйнө чемпиондугунда 2 алтын жана 1 коло медаль жеңди. Бул тууралуу бүгүн, 31-октябрда Дене тарбия жана спорт мамлекеттик агенттигинен билдиришти.
79 килограмм салмакта М1 категориясында катышкан Ислам Баялинов финалда орусиялык Александр Шабуровду жеңип, ардагерлер арасында Дүйнө чемпиону болду. Бул категорияда казакстандык Мирас Булатов жана тажикстандык Алишер Гарибшоев коло байгенин ээси болду.
Ошондой эле M4 категориясында 64 килограмм салмак ченинде Нурлан Аламанов финалда орусиялык Сергей Волков менен кез келип, жеңишке ээ болду. Аталган салмакта казакстандык Амантай Валиев жана орусиялык Александр Ефимов 3-орунду ээледи. Ал эми M5 категориясында 64 килограмм салмак ченинде Максатбек Мурзабеков коло медаль тагынды.
0

Супер-Инфо
super.kg видео
















