Орусия менен Кыргызстандын 300гө жакын мектеп директору эки өлкөнүн билим берүү системаларын интеграциялоо жолдорун талкуулашты

Бишкекте Кыргызстандын мектеп жетекчилеринин III форуму өз ишин жыйынтыктады. Бул билим берүү мекемелеринин жетекчилеринин кесиптик өсүшү, билим жана мыкты тажрыйбалар менен алмашуу, ошондой эле кесиптик байланыштарды түзүү үчүн уникалдуу аянтча болгон ири иш-чара болду.

Форумга Кыргызстандагы 273 мектептин жана Орусиядагы 20 мектептин жетекчилери катышып, билим берүү тармагындагы маанилүү маселелерди биргеликте чечүү жана аймактар аралык диалог түзүү мүмкүнчүлүгүнө ээ болушту.

Форумдун негизги бөлүктөрүнүн бири — АНО "Евразия" тарабынан Евразиялык орус тили жана маданият борборунда уюштурулган "Орусия жана Кыргызстандын мектептеринин боордоштугу" аттуу стратегиялык сессия болду.

Бул сессиянын алкагында эки өлкөнүн билим берүү мекемелеринин жетекчилери боордош мектептердин өз ара кызматташуусун жөнгө салуучу бирдиктүү "жол картасын" түзүү маселесин талкуулашты. Бул документ биргелешкен демилгелерди, тажрыйба жана ресурстар менен алмашууну системалаштырууга, ошондой эле узак мөөнөттүү жана натыйжалуу өнөктөштүктү түзүүгө өбөлгө болот.

Катышуучулар белгилешти: боордоштук формалдуу мүнөздө болбошу керек, тескерисинче, окуучулар, мугалимдер жана мыкты тажрыйбалар менен активдүү алмашуу үчүн жандуу жана натыйжалуу механизмге айланышы зарыл.

"АНО “Евразия” бул жол картанын ишке ашуусуна колдоо көрсөтүп, мектептерге керектүү жардам берет. Биздин максат — бул пилоттук долбоорду ийгиликтүү ишке ашырып, топтолгон тажрыйбаны Орусия менен Кыргызстандын бирдиктүү билим берүү мейкиндигин түзүүгө жана билим берүү тармагындагы евразиялык кызматташууну өнүктүрүүгө негиз кылуу", — деп белгиледи АНО "Евразиянын" билим берүү программалары департаментинин жетекчиси Екатерина Дынник.

АНО "Евразия" менен Министрлер кабинетинин биргелешкен билим берүү долбоорлорун ишке ашыруу өткөн жылдын сентябрь айында башталган, ошол кезде тараптар кызматташтык тууралуу келишимге кол коюшкан. Кыргызстан бул уюмдун салттуу баалуулуктар платформасына биринчилерден болуп кошулган.

Ошол эле жылы "Евразияны тааны. Кыргызстан" аттуу ири долбоор башталып, ага континенттин ар кайсы өлкөлөрүнөн жүздөгөн жаштар катышкан. Республикадагы алыскы аймактардагы балдардын мектепке ыңгайлуу барып-келүүсүн камсыз кылуу үчүн АНО "Евразия" 100 ыңгайлуу автобусту белекке берген.

Мындан тышкары, 2025-жылдын июнь айында Казанда өткөн III Эл аралык билим берүү министрлеринин "Келечекти калыптандыруу" форумунда АНО "Евразия" "Евразия лицейи" деп аталган эл аралык келечектеги мектеп концепциясын сунуштаган. Бул концепция Евразия өлкөлөрүнүн мектептерин бириктирүүнү жана советтик билим берүү системасынын эң мыкты салттарын — мектеп менен үй-бүлөнүн ийгиликтүү биримдигин сактап калууну максат кылат.

Уюм тууралуу

АНО "Евразия" — бул эл аралык кызматташууну өнүктүрүүгө көмөктөшүүчү автономдуу коммерциялык эмес уюм. Ал жеке каражаттардын эсебинен салттуу баалуулуктарды сактоого жана эл аралык баарлашууну өнүктүрүүгө багытталган гуманитардык долбоорлорду ишке ашырат.

"Евразия" социалдык мааниге ээ демилгелерди колдойт, ар кандай маданияттагы адамдардын өз ара баарлашуусуна шарт түзөт, ошондой эле билим берүү, медицина жана жаштар алмашуу тармактарында долбоорлорду өнүктүрөт. Уюмдун негизги багыттарынын бири — мектеп окуучуларын, студенттерди жана жаш адистерди колдоо. Долбоорлордун катарында билим берүү программалары, алмашуу программалары, ири мамлекеттик компанияларда стажировкалар жана медиамектеп бар.

Мындан тышкары, "Евразия" мектептин жана жогорку окуу жайлардын мугалимдери үчүн кесиптик платформаларды жана форумдарды уюштурат, журналисттер менен блогерлерге гранттарды берет, ошондой эле тарых менен маданиятты сактоо боюнча долбоорлорду колдойт.

Ишинин алгачкы эле жылында "Евразия" ар кайсы өлкөлөрдөн 100 миңден ашуун катышуучуну бириктирип, Евразия мейкиндигиндеги алдыңкы гуманитардык кызматташуу платформасына айланган.

"Россотрудничество” уюмунун Бишкектеги "Орус" үйү.