Дональд Трамп Нигериядагы "исламчылдарды" жок кыла турганын айтты 

АКШнын президенти Дональд Трамп Нигериядагы христиандарга карата кылмыштар токтотулбаса, америкалык аскерлер өлкөгө кирип, "ислам террорчуларын" толук жок кыла турганын эскертти. Ал Пентагондон мүмкүн болгон күч колдонуу чараларына даяр болууну талап кылды.

Трамп Truth Social баракчасына: "Эгер Нигерия өкмөтү христиандарды өлтүрүүгө жол берип жатса, АКШ дароо жардам жана колдоосун токтотот жана бул өлкөгө күч менен кирип, бул зулумду жасагандарды толугу менен жок кылышы мүмкүн", — деп жазды.

Ал Нигерия бийлигине тезирээк аракет кылууну сунуш кылды.

Буга чейин Трамп Нигериядагы христиандар коркунучка туш болуп жатканын белгилеген.

Нигерия президенти Бола Тинубу Трамптын айыптоолорун четке кагып, өлкө бийлиги динге карата куугунтуктун бардык түрүнө каршы экенин билдирген.