“Аскер кызматчыларынын статусу жөнүндө” мыйзамга өзгөртүүлөр киргизилди

Өлкөдө “Аскер кызматчыларынын статусу жөнүндө” мыйзамга өзгөртүүлөр киргизилди. Тиешелүү документке президент Садыр Жапаров бүгүн, 4-ноябрда кол койду.

Мыйзам ушул жылдын 24-сентябрында Жогорку Кеңеш тарабынан кабыл алынган.

Мыйзамдын максаты - аскердик-медициналык кызматкерлердин квалификациясын жана алардын заманбап медициналык жабдуулар менен иштөө көндүмдөрүн жогорулатуу болуп саналат.

"Эми айрым учурларда аскер кызматчыларына (мөөнөттүк кызматтагы аскер кызматчыларынан тышкары) аскер бөлүгүнүн командири тарабынан жекече тартипте квалификацияны жогорулатуу жана тажрыйба алмашуу максатында мамлекеттик жана муниципалдык саламаттык сактоо уюмдарында медициналык ишке байланышкан ишти айкалыштырууга уруксат берилет",- деп айтылат документте.