Чолпон-Атада каратэ боюнча чемпиондук өттү

Чолпон-Ата шаарында Киокусинкай каратэ боюнча Кыргызстандын чемпиондугу өттү. Бул тууралуу Дене тарбия жана спорт мамлекеттик агенттигинен билдиришти.

Аталган ири спорттук иш-чарага өлкөнүн бардык аймагынан 200гө жакын каратэ чебери катышты.

Мелдеш министрлер аталган агенттиктин алдындагы Спорттун олимпиадалык эмес түрлөрү боюнча дирекциянын колдоосу менен, Кыргызстандын Кекусин Будо каратэ федерациясынын демилгеси жана уюштуруусу алдында өткөрүлдү.

Иш-чарага аталган дирекциянын директорунун орун басары Каныбек Думанаев, федерациянын жетекчилиги, спортчулар жана машыктыруучулар катышты.

Жалпы командалык эсеп боюнча жыйынтыктар төмөнкүдөй болду:

1-орун – “Осмон” клубу (Бишкек);
2-орун – Бостери клубу;
3-орун – Беловодск клубу.

Мелдеш Кыргыз спортунун 100 жылдыгына арналды.