Окумуштуулар уктаар алдында телефон кароонун кандай кесепеттери бар экенин аныкташты

Уктаар алдында телефон колдонуу өмүргө коркунуч туудурган жүрөк-кан тамыр ооруларынын пайда болуу коркунучун жогорулатат. Бул тууралуу Daily Mail басылмасы Американын жүрөк ассоциациясынын жаңы изилдөөсүнө таянып жазып чыкты.

Окумуштуулар түнкүсүн экрандардын жарыгы мээнин активдүүлүгүн жогорулатып, анын эс алуу режимине өтүшүнө жол бербестигин жана кан тамырлардын сезгенүүсүн шарттай турганын аныкташкан.

Изилдөөгө Массачусетс жалпы ооруканасында атайын сканерден өткөн 55 жашка чейинки 466 чоң киши катышкан. Түнкү жарыктын маалыматтары алардын үйүнүн айланасындагы жасалма жарык деңгээлин жазган спутниктик сүрөттөр менен салыштырылган. 2018-жылга карата катышуучулардын 17 пайызы олуттуу жүрөк-кан тамыр оорусуна чалдыккан.

Окумуштуулар түнкү жарык денедеги стрессти пайда кыларын баса белгилешет. Алардын айтымында, убакыттын өтүшү менен инфаркт коркунучун жогорулатат.