Мурдагы футболчу Дэвид Бекхэм рыцарлык наамды алды
Улуу Британиянын падышасы Чарльз III шейшемби күнү өлкө курама командасынын мурдагы футболчусу Дэвид Бекхэмге рыцарлык наамды тапшырганын чет элдик басылмалар жазышты.
Ал сыйлыкты алуу аземине жубайы менен барган.
Падышанын 14-ноябрда боло турган туулган күнүнө карата 50 жаштагы Бекхэм ардактуу наамды алуучулардын тизмесине киргени мурда кабарланган. Анда ага наам футболчу катары жетишкендиктери жана кайрымдуулук иштери үчүн берилери айтылган.
Бекхэм карьерасын 2013-жылы аяктаган. Ал "Манчестер Юнайтед", "Реал Мадрид", ПСЖ, "Милан" жана "Лос-Анжелес Гэлакси" сыяктуу клубдарда ойногон. Учурда Бекхэм Лионель Месси ойногон америкалык "Интер Майами" клубунун тең кожоюну.
2003-жылы Англия курама командасында 115 беттеш өткөрүп, алты жыл анын капитаны болгон Бекхэм футболго кошкон салымы үчүн Британ империясынын ордени менен сыйланган.
Дэвид Бекхэм рыцарлык наамын алды
0

Супер-Инфо
super.kg видео
















