Кремль АКШдан ядролук сыноолор боюнча түшүндүрмө күтүп жатканын билдирди
Орусия АКШ президенти Дональд Трамптын ядролук сыноолорду кайра баштоо тууралуу билдирүүлөрү боюнча расмий түшүндүрмөлөрдү күтүп жатат. Бул тууралуу Орусия президентинин басма сөз катчысы Дмитрий Песков RT телеканалына билдирди.
Кремлдин өкүлү белгилегендей, Орусия да, Кытай да ядролук сыноолорду жүргүзгөн эмес жана эки өлкө тең ядролук сыноолорго толук тыюу салган келишимди сактоодо.
"Америкалык лидер эмне тууралуу айтып жатканын азыр биз так айта албайбыз",- деп кошумчалады Песков.
30-октябрда Трамп Пентагонго ядролук сыноолорду дароо баштоону тапшырган, буга "башка державалардын ядролук аракеттери" себеп болгон. Бул чечим Орусиянын президенти Владимир Путиндин "Буревестник" ракетасын сыноодон өткөрүү тууралуу билдирүүлөрүнүн фонунда кабыл алынган.
Эске салсак, АКШ 1992-жылдан бери ядролук сыноолорду жүргүзө элек.
0

Супер-Инфо
super.kg видео
















