МАГАТЭ: Иранда байытылган урандын чоң бөлүгү сакталып калган

Эл аралык атом энергиясы боюнча агенттиктин башчысы Рафаэль Гросси Financial Times гезитине билдиргендей, АКШнын соккуларынан кийин деле Иранда байытылган урандын чоң бөлүгү сакталып калган.

Гросси МАГАТЭ Иранда июнда Израил менен болгон куралдуу аракеттерден кийин онго жакын инспекция жүргүзгөн, бирок агенттикти Фордо, Натанз жана Исфахан сыяктуу АКШ тарабынан бомбалоого кабылган ядролук объекттерге киргизишкен эмес.

"Зыян чоң болду, бирок биздин баалоо боюнча, 60 пайызга, ошондой эле 20, 5 жана 2 пайыз деңгээлиндеги байытылган урандын чоң бөлүгү ошол жерде калды",- деди Гросси.

МАГАТЭ башчысы агенттик Иран менен мамилеси жакшы болбой жатканына карабай, өз милдеттемелерин аткарышы керек экенин кошумчалады.

Муну менен катар, Ирандын тышкы иштер министри Аббас Арагчи билдиргендей, Иран бийлиги эми 60 пайызга чейин байытылган урандын канчасы соккулардан кийин сакталганын билбей турганын айтты.