Кремль дүйнөдөгү ядролук сыноолордун абалы боюнча билдирүү жасады

Кремль азыркы учурда дүйнө 1962-жылдагы Кариб кризисине караганда ядролук согушка жакындады деген дооматтарга макул эместигин билдирди. Бул тууралуу Орусия президентинин басма сөз катчысы Дмитрий Песков ТАСС агенттигине айтып, Орусия бийлиги азыркы эл аралык абалды башкача баалай турганын белгиледи.

"Биз мындай жыйынтыкка келмек эмеспиз", — деди ал.

Буга чейин Путин АКШ президенти Дональд Трамптын ядролук сыноолорду жүргүзүү мүмкүнчүлүгү тууралуу билдирүүсүн олуттуу маселе деп эсептей турганын белгилеген. Бул тууралуу ал Коопсуздук кеңешинин туруктуу мүчөлөрү менен өткөргөн оперативдүү жыйында айткан.

Ал эми Орусиянын Мамлекеттик Думадагы Коргоо комитетинин мүчөсү Андрей Колесник АКШнын мүмкүн болуучу ядролук сыноолору дүйнөгө чыныгы глобалдык каршылык учурунда кандай апаат күтүп турганын көрсөтөрүн билдирген. Ал Батыш өлкөлөрүнүн лидерлери ойгонуп, кырсыктан качуу үчүн чыңалуу жаратуучу чек араларды түзүүнү токтотот деп үмүт кылганын кошумчалаган.