"Жер сулуусу - 2025" сынагынын жеңүүчүсү аныкталды (фото)

2025-жылдын "Жер сулуусу" сулуулук сынагынын жеңүүчүсү Чехиянын жараны 21 жаштагы модель Натали Пушкинова болду.

Сынак 5-ноябрда Филиппиндин борбору Манилада өткөрүлдү.

"Жер Абасы сулуусу" наамына Исландиядан Соллис Вала Иварсдоттир, "Жер Суу сулуусу" Вьетнамдан Чинь Ми Ань жана "Жер От сулуусу" наамына таиланддык Вари Нгамкхам ээ болду.

Аталган сынакка жалпысынан 79 кыз катышкан.

Натали Пушкинова Прага шаарда жашайт жана Карл университетинде Маркетингдик коммуникациялар жана коомчулук менен байланыш багыты боюнча билим алат. Ал модель болуп иштейт жана Vogue журналында тажрыйба топтогон.

"Жер сулуусу" сынагы – "Дүйнө сулуусу" жана "Универсум сулуусу" сыяктуу дүйнөдөгү ири сулуулук сынактарынын бири болуп саналат. Ал 2001-жылдан бери өткөрүлүп келет жана экология боюнча маалыматты жогорулатууга багытталган. Жеңүүчүлөр келечекте дүйнө жүзү боюнча экологияны коргоо боюнча элчи катары иш алып барышат.