Жерде кайрадан магниттик бороон башталды

Жер бетинде G1 класстагы алсыз магниттик бороон башталды. Бул тууралуу чет элдик басылмалар жазышты.

Адистер билдиргендей, буга акыркы убактагы күндүн жаркырап жарылышы себеп болгон. Түн ортосунда магниттик активдүүлүк орто деңгээлге (G2) жетсе, эртең менен ал алсыз деңгээлге (G1) төмөндөгөн.

Маалым болгондой, геомагниттик туруксуздук бейшемби күнү толук сакталат. Бул учурда алсыз жана орто күчтөгү бороондор кыска мөөнөт сайын кайталанышы мүмкүн. Адистердин айтымында, эң жогорку активдүүлүк 7-ноябрда болушу мүмкүн, анткени бул күнү Жерге күн плазмасынын агымы жетет. Ошол күнү күчтүү (G3) жана өтө күчтүү (G4) магниттик бороондор болушу ыктымал.

Ал эми жекшемби күнү Жердин магниттик талаасы кайра калыбына келери айтылды. Эске салсак, 4-ноябрда Күндө M3.5 класстагы жарылуу болгон, ал болжол менен 25 мүнөткө созулган.