Трамп: "Менимче, Мамдани мага жакшы мамиле кылышы керек"

АКШ президенти Дональд Трамп Нью-Йорктун жаңы мэри болуп шайланган Зохран Мамдани тууралуу пикирин билдирди. Ал Fox News телеканалына маек куруп, Мамданинин өзүнө карата "өтө ачуулуу" сүйлөгөнүн айтып, "менимче, ал мага жакшы мамиле кылышы керек, анткени ага тиешелүү көп нерсени мен бекитем, бул жакшы башталыш болгон жок" деди.

Трамп Мамданинин "бизге жетүү үчүн баарыбызды ашып өтүшүң керек болот" деген сөзүн "кооптуу билдирүү" деп баалап, жаңы мэрди "урмат көрсөтүүгө" чакырды.

"Мен анын ийгиликке жетишин каалайм, анткени Нью-Йорк шаарын жакшы көрөм", - деп кошумчалады ал.

Алдын ала жыйынтыктарга ылайык, 34 жаштагы Угандада төрөлгөн Мамдани – АКШнын эң ири шаарынын тарыхында акыркы жүз жылда шайланган эң жаш жана алгачкы мусулман мэр болду. CBS News агенттигинин маалыматына караганда, шайлоого 2 миллиондон ашуун адам катышты. Бул 1969-жылдан берки эң жогорку көрсөткүч болуп саналат.