Бишкекте токтоп турган автоунааны айдап качып кеткен жаран кармалды (видео)

Бишкекте токтоп турган автоунааны айдап качып кеткен жаран кармалды. Бул тууралуу Бишкек шаарынын Биринчи Май райондук ички иштер башкармалыгынан билдиришти.

Маалым болгондой, 5-ноябрда К.Н. аттуу жаран Биринчи Май РИИБге арыз менен кайрылып, ошол эле күнү болжол менен саат 21:15 чамасында белгисиз адам Панфилов жана Горький көчөлөрүнүн кесилишине токтоп турган анын Toyota Altezza үлгүсүндөгү автоунаасын айдап кеткенин билдирген. Ууру автоунааны айдап, белгисиз тарапка качып кеткен.

Бул факты боюнча Жазык кодексинин 211-беренеси (Автотранспорт каражатын мыйзамсыз айдап кетүү) боюнча кылмыш иши козголду.

Ыкчам иликтөө иш-чараларынын жүрүшүндө "Коопсуз шаар" видеокөзөмөл камераларынын жардамы менен 1996-жылы туулган М.Ж. аттуу шектүү кармалып, тергөө кызматына жеткирилген. Ал ЖПКсынын 96-беренесине ылайык, Бишкек ШИИББинин убактылуу кармоочу жайына камакка алынды.

Милиция кызматкерлери тарабынан уурдалган автоунаа Бишкек шаарында табылып, ээсине кайтарылып берилди.