Чүйдө малды уурдаган шектүү кармалды. Милиция башка жабыркагандарды издеп жатат

Чүй облусунда милиция 17 баш малды алдоо жолу менен сатып жиберүүгө шектелген 1988-жылы туулган И.А. аттуу жаранды кармады. Бул тууралуу бүгүн, 7-ноябрда облустук милициядан билдиришти.

Ал 7–19-январь аралыгында жабырлануучу Т.Ч.нын ишенимин колдонуп, анын малын уруксатысыз сатып жиберген.

Бул факт боюнча Кылмыш-жаза кодексинин 210-беренеси (Ишенип берилген мүлктү ыйгарып алуу же коротуу) боюнча кылмыш иши козголду.

Тергөөдө шектүүнүн башка окшош кылмыштарга да тиешеси болушу мүмкүн экени аныкталып, милиция андан жабыркагандарды байланышууга чакырууда.