Япония Түндүк Кореянын ракета учуруусуна байланыштуу нааразычылыгын билдирди

Япония өкмөтүнүн башкы катчысы Минору Кихара билдиргендей, Токио Бээжиндеги дипломатиялык каналдар аркылуу Түндүк Кореяга расмий түрдө протест нотаcын жөнөткөн. Бул тууралуу Kyodo агенттиги жазды.

"Биздин оюбузча, Түндүк Корея ар кандай ракеталарды, спутниктерди учурган жана өзөктүк сыноолорду өткөрүү сыяктуу чыңалтуучу аракеттерин улантышы мүмкүн", - деди Кихара.

Бүгүн, 7-ноябрда Yonhap агенттиги Түндүк Корея АКШнын санкцияларына каршылык иретинде Япон деңизи тарапка баллистикалык ракетаны учурганын кабарлаган. Бул 22-октябрдан берки биринчи ракетаны учуруу жана быйылкы жылдагы жетинчи учур болуп эсептелет.

Ал эми дүйшөмбү күнү Түндүк Кореянын Сары деңиздин түндүк бөлүгүнө болжол менен 10 артиллериялык ракета учурганы кабарланган. Бул окуя АКШнын коргоо министри Пит Хегсетт эки Кореянын ортосундагы демилитаризацияланган аймакка келерден бир саат мурун болгон.