Сауд Арабиясында терроризм үчүн айыпталган эки жаран өлүм жазасына тартылды
Сауд Арабиясынын Ички иштер министрлиги террордук кылмыштар үчүн айыпталган эки жаранга карата өлүм жазасы аткарылганын билдирди.
SPA агенттигинин маалыматы боюнча, өлүм жазасы 9-ноябрда Касим провинциясында ишке ашырылган.
Өлүм жазасына тартылгандар — Фахд бин Али бин Абдулазиз аль-Вашиль жана Абдуррахман бин Ибрахим бин Мухаммад аль-Мансур. Алар террордук уюмга катышуу, коопсуздук объектилерине жана ибадатканаларга кол салуу, ошондой эле курал сактоо жана жардыруучу заттарды даярдоо сыяктуу кылмыштарга күнөөлүү деп табылган.
Мындан тышкары, алар башка террорчуларды жашырган жана падышалыктын коопсуздугу менен туруктуулугуна каршы аракеттенген деп айыпталган.
Камакка алынгандан жана тергөөдөн кийин сот аларды күнөөлүү деп таап, өлүм жазасына өкүм чыгарган. Өкүм Жогорку сот тарабынан бекитилип, падышанын буйругу менен аткарылган.
0

Супер-Инфо
super.kg видео

















