Көмүр саткандар канча пайда табышат? 

Көмүр саткан жеке тараптар элдин чөнтөгүнө күч келтирүүдө. Бул тууралуу "Ала-Тоо" телеканалы даярдаган материалда айтылат.

Анда "Кыргыз көмүр" ишканасы алардын пайдасын эсептеп чыкканы көрсөтүлгөн. Анда 27 тонна жүк көтөргөн жүк ташуучу унаа мисал катары көрсөтүлгөн. Кара-Кече кенинде көмүрдүн тоннасы 2460 сомдон сатылат. Эгер жеке тараптар 27 тонна көмүрдү ал жактан алып чыгып, мамлекет бекиткен 6600 сомдон сатышса, анда алар күйүүчү май жана адоочуга кеткен чыгымды алып салганда 66 миң 780 сом пайда көрүшөт. Бирок алар тоннасын 7500 сомдон сатышып, 91 миң 080 сом пайда көрүп жатышканы айтылат.

Материалда Монополияга каршы жөнгө салуу кызматынын кызматкери жарандар мамлекет бекиткен баадан жогору сатылган фактыларга күбө болсо арыз жазышы керектигин айтат.

Буга чейин кенге жеке көмүр ташуучулардын кирүүсүнө убактылуу чектөө киргизилгени маалым болду.