Эртең Бишкектин айрым аймактарында таза суу берилбейт

Эртең, 11-ноябрда саат 9:00дөн 20:00гө чейин турак жайларга, мектептерге, мектепке чейинки билим берүү мекемелерине, саламаттыкты сактоо мекемелерине жана башка социалдык жана өнөр жай объекттерине ичүүчү суу берүү токтотулат. Бул тууралуу Бишкек шаарынын мэриясынан билдиришти.

Өчүрүү төмөнкү көчөлөр менен чектешет: Достоевский көчөсү, Анкара көчөсү, Ауэзов көчөсү жана темир жол линиясы. Буга Алты-Ордо, Кара-Жыгач конуштары жана Полиция шаарчасы кирет.

Маалым болгондой, "Контррезервуар" суу алуучу жайындагы жана шаардын суу менен камсыздоо тармактарындагы оңдоо иштерине байланыштуу суу убактылуу токтотулат.

"Бишкексууканал" ишканасы ыңгайсыздык жараткандыгы үчүн кечирим сурайт жана ишканалардан жана тургундардан ичүүчү сууну алдын ала камдап алууну суранат.