"Жеңишбектей баатырлар..." Оштогу бала бакчада мэрге ыр айтылды

Бүгүн, 10-ноябрда Ош шаарындагы “Жибек” бала бакчасынын кошумча 100 орундуу имараты ишке берилди. Бул тууралуу шаардык мэриядан билдиришти.

Анда ачылыш иш-чарасына келген калаа мэри Жеңишбек Токторбаевге бала бакчада тарбияланып жаткан кичинекей жеткинчектер ыр арнашты.

"Токторбаев агабыз,

Сизге рахмат айтабыз.

Сиздей башчы бар үчүн,

Гүлдөп жатат шаарыбыз",- деди кичинекейлердин бири.

Дагы бири: "Айтматовдой чыгаандар,

Чыккан биздин бакчадан.

Кылым жаша жаңырып,

Жашоо берип жаңыдан.

Жеңишбектей баатырлар,

Чыксын биздин бакчадан",- дейт.

Бул Жеңишбек Токторбаевге арналган алгачкы ыр эмес. Буга чейин да бир нече жолу мэрге карата ырлар айтылган.