Эки талапкер парламенттик шайлоого катышуудан баш тартты

Борбордук шайлоо комиссиясы 10-ноябрда Жогорку Кеңештин депутаттыгына эки талапкердин шайлоого катышуудан баш тартуу тууралуу арыздарын карады.

Мекемеден кабарлагандай, эки талапкер тең арыздарын БШКга 8-ноябрда берген.

Шайлоого катышуудан баш тартуу тууралуу арыздарды төмөнкү талапкерлер беришкен:

• №17 көп мандаттуу шайлоо округу боюнча талапкер Рыскулбек уулу Нурмат;
• № 28 көп мандаттуу шайлоо округу боюнча талапкер Бараканов Руслан Төлөмүшович.

БШК жогоруда аталган талапкерлердин каттоосун жокко чыгарды.

Эске салсак, шайлоо ушул жылдын 30-ноябрына белгиленген. Үгүт иштерине 10-ноябрда старт берилет.

Быйылкы шайлоо жаңы кабыл алынган мыйзам менен өтөт. Анда кандай өзгөрүүлөр бар? Бул шилтемеден окусаңыз болот.