Кремль Токаев менен Трамптын сүйлөшүүсүнүн мазмунуна кызыкдар
Кремль Казакстандын президенти Касым-Жомарт Токаев менен АКШнын президенти Дональд Трамптын Вашингтондогу жолугушуусунун мазмунуна кызыкдар. Бул тууралуу Орусия президентинин басма сөз катчысы Дмитрий Песков билдиргенин жазат "Коммерсантъ".
Песковдун айтымында, эгер Токаев сүйлөшүүлөрдүн жыйынтыгы тууралуу маалымат берүүнү зарыл деп эсептесе, бул Орусия тарап үчүн абдан кызыктуу болмок.
Ал кошумчалагандай, Казакстан Орусиянын стратегиялык жана союздаш өнөктөшү, ошондуктан эки өлкө лидерлеринин үзгүлтүксүз байланышта болушу табигый көрүнүш. Токаевдин Орусияга сапары 11-12-ноябрга пландалган.
Өткөн жумада АКШда "С5+1" форматы боюнча саммит өтүп, анда Борбордук Азия өлкөлөрүнүн лидерлери Трамп менен жолугушкан. Трамп жана Токаев эки тараптуу сүйлөшүүлөрдүн жүрүшүндө Казакстан менен АКШнын маанилүү минералдар тармагындагы кызматташуусун талкуулашкан.
0

Супер-Инфо
super.kg видео















