Toyota балдар үчүн атайын өзүн-өзү башкарган унаа ойлоп тапты (видео)
Япониянын Toyota компаниясы балдар үчүн өзүн-өзү башкарган унаа ойлоп тапты. Бул тууралуу чет элдик басылмалар жазышууда.
Маалыматка ылайык, "Japan Mobility Show 2025" көргөзмөсүндө аталган компания өзгөчө жаңы "Kids Mobi" аттуу унааны тааныштырган. Көрсөтүлгөн кичинекей унаа толук электрондук түзүлүш менен иштеп, жасалма интеллект аркылуу башкарылат.
"Авто бою 130 сантиметрге чейинки балдарга ылайыкталган. Ичинде бир орун, ачылуучу эшик жана виртуалдык башкарууга ылайыкташкан түзүмдөр бар. Ошондой эле унаанын ичиндеги бала ар кандай оюндарды ойноп, сүйлөшүүлөрдү жасап белгиленген чекке жетсе болот",- деп жазылган маалыматта.
Toyota компаниясы аталган унааны чыгаруунун максаты - жөн гана транспорт эмес, балдарга жаңы нерселерди үйрөтө алган тажрыйба экенин белгилеген.
Toyota балдар үчүн атайын өзүн-өзү башкарган унаа ойлоп тапты
0

Супер-Инфо
super.kg видео















