Трамп Путинге Токаев аркылуу кат жөнөткөнү айтылды
Орусия президенти Владимир Путин АКШ президенти Дональд Трамптан Украина маселеси боюнча кат алды. Бул тууралуу Орусия басылмалары жазышты.
Маалыматка караганда, Трамптын катын Путинге Казакстан президенти Касым-Жомарт Токаев жеткирген. Токаев 11-ноябрда Москвага иш сапары менен барып, Путин менен сүйлөшүүлөрдү өткөргөн.
Расмий билдирүүдө сүйлөшүүлөрдүн мазмуну толук айтылган жок, бирок тараптар "өзгөчө мааниге ээ маселелерди" талкуулаганы айтылат. Байкоочулар бул жолугушууда Украинадагы жаңжалдын жөнгө салынышы негизги тема болушу мүмкүн деп эсептешет.
Эске салсак, Касым-Жомарт Токаев 6-ноябрда АКШда өткөн "Борбордук Азия + АКШ" саммитине катышып, жыйындын жүрүшүндө Казакстан менен АКШ жалпысынан 17 миллиард долларлык инвестициялык келишимдерге кол коюшкан.
0

Супер-Инфо
super.kg видео















