Бишкектеги иштебей калып жаткан жол чырактар боюнча мэрия үн катты

Бишкек шаарында жол чырактардын өчүп калышы боюнча Шаардык жол-транспорттук инфратүзүм муниципалдык ишканасынын кызматкерлери тарабынан ыкчам чаралар көрүлүүдө. Бузулган жол чырактар кайра ишке киргизилип жаткандыгы тууралуу бүгүн, 13-ноябрда мэриянын маалымат кызматы билдирди.

Маалым болгондой, айрым райондордо электр энергиясынын үзгүлтүккө учурашына байланыштуу жол чырактар байма-бай иштен чыгып жатат.

Ишкана убактылуу ыңгайсыздыктар үчүн кечирим сурайт. Эгерде шаар ичинде иштебей жаткан жол чырактар байкалса, төмөнкү номурлар аркылуу кабар берсе болот:

- 0504 88-90-99
- 0559 88-90-99
- 889099, 650180