Кытайдын космостук станциясындагы тайконт тобу Жерге кайтып келди

Кытайдын Тиэнгун космос станциясында 6 айдан ашык кызмат өтөгөн "Шэньчжоу-20" тайконтторунун кайтуу миссиясы кемедеги зыяндын айынан кечигип, алар башка аппарат менен Жерге жеткирилди. Ал эми Чин Донг, Чин Конгруй жана Ван Сиени алып келген "Шэньчжоу-21" капсуласы Ички Монголиядагы Донфэнг аймагына конгонун Xinhua маалымат агенттиги билдирди.

Маалым болгондой, алгач 5-ноябрь күнү кайтуу пландалган, бирок "Шэньчжоу-20" кемесинде космостук таштандылардын соккусунан зыян аныкталгандыктан, учуу коопсуздугу боюнча кошумча текшерүүлөр жүргүзүлгөн. Анын жыйынтыгында тайконттор станцияга жаңы команданы жеткирген "Шэньчжоу-21" аппараты менен кайтарылган.

"Шэньчжоу-20" экипажы 24-апрелде орбитага учуп, 31-октябрда келген "Шэньчжоу-21" тобу менен орбитада кызмат алмашууну жүргүзгөн. Тиэнгун станциясында үч адамдан турган командалар 6 айлык мөөнөт менен туруктуу ротацияда иштешет.