Ошто жүзүн толук жаап жүргөн жарандарга айып пул салынды 

Ош эл аралык аэропортунда жүзүн толук жаап жүргөн жарандарга чара көрүлдү. Бул тууралуу бүгүн, 14-ноябрда Ош облустук ички иштер башкармалыгынын басма сөз кызматы билдирди.

Маалыматка ылайык, аталган жайдан жүзүн толук жаап жүргөндүгү үчүн 3 аялга 20 миң сомдон айып пул салынган.

Ош эл аралык аэропортунда Умра сапарынан кайтышкан зыяратчыларды тосуп алуу үчүн келген жарандардын саны арбын болууда. Алардын арасынан жүзүн толук жаап видеокөзөмөл камерага түшүп калган жарандарга тартип сакчылары тарабынан айып пул салынууда", - деп билдирет Ош ОИИБи.

Белгилей кетсек, коомдук жайларда жүзүн толугу менен жашырып жүргөн жарандарга Укук бузуулар жөнүндө кодексинин 127-беренесинин негизинде 20 000 сом айып пул салынуусу каралган.