Бишкекте Европага мыйзамсыз жумушка орноштуруу аракети токтотулду
Бишкекте Европага мыйзамсыз жумушка орноштуруу аракети токтотулду. Бул тууралуу бүгүн, 14-ноябрда Эмгек, социалдык камсыздоо жана миграция министрлиги билдирди.
Маалым болгондой, кечээ, 13-ноябрда министрликтин Чет өлкөдө ишке орноштуруу борбору Бишкек ШИИББи менен биргеликте “Technopark” имаратында чет элдик жарандар тарабынан мыйзамсыз кабыл алуу жүргүзүлгөнүн аныктады.
Текшерүүдө уюштуруучулардын кыргызстандыктарды чет өлкөгө ишке орноштуруу боюнча расмий уруксатка ээ эместиги такталды. Чогултулган материалдар мыйзамдуу баа берүү үчүн ИИМге жөнөтүлдү.
Борбор жарандарга чет өлкөдө иш сунуштаган агенттиктердин лицензиясын текшерүүгө чакырып, мыйзамдуу эмгек орноштуруу милдеттүү талап экенин эскертти. Агенттиктердин мыйзамдуулугун migrant.kg сайтынан текшерүүгө болот.
0

Супер-Инфо
super.kg видео















