"Бейиш эненин таманында" кыргыз тасмасы дагы үч тилге которулду (видео)

Кыргызстандык режиссёр Руслан Акундун "Бейиш эненин таманында" тасмасы дагы үч тилге которулду. Бул тууралуу бүгүн, 14-ноябрда аталган тасмада башкы каарман болгон актёр, тамашоучу Эмил Эсеналиев билдирди.

"Биздин каармандар англис, итальян жана испан тилдеринде сүйлөп жатышат. “Бейиш эненин таманында” тасмасы дүйнөнү багындырууну улантууда. Англисче үн коштогон версиясын "Paradise at Mothers Feet" деп жазып AZO ютуб каналында көрө аласыздар", - деп жазды актёр социалдык баракчасынан.

Айта кетсек, тасма эненин уулуна болгон сүйүүсүнүн күчүн, ар улутта жакшы адамдар болорун жана ак жүрөк адам бардык кыйынчылыктарды жеңе аларын баяндайт. Бул тасманын идеясы актёр Болот Тентимишовго таандык. Анын сценарийин режиссёр Руслан Акун менен актёр Эмил Эсеналиев жазышкан. Тасма 7 өлкөдө – Кыргызстан, Казакстан, Өзбекстан, Түркия, Азербайжан, Сирия, Араб өлкөлөрүндө тартылган.

Ачык булактарда тасма 5 тилге которулганы айтылган.