Сүйүнчү! Ырчы Аяна Касымова көз жарды

Кыргыз эстарадасындагы белгилүү ырчы айым Аяна Касымова Швециядагы төрөт үйлөрүнүн биринде көз жарды. Бул кубанычы менен ал социалдык тармактагы баракчасында бөлүштү.

"48 сааттык оору, 12 сааттык күрөш. Жана бир секундда — жүрөгүм кайрадан төрөлгөн учур. Азыр жанымда менин кичинекей уулум уктап жатат жана мен ар бир коркунучтуу мүнөт — бакытка карай ташталган кадам болгонун түшүнүп турам. Үй-бүлөмө жана дарыгерлерге жарык үчүн, күч үчүн, колдоо үчүн чексиз ыраазычылык", - деп жазды ырчы айым.

Буга чейин Аяна Касымова уул күтүп жатканын жарыялаган.

"Анын пайда болушу менен мен өзгөрдүм. Жумшагыраак, сулуураак болуп, айланадагыларды тереңден сезем. Ал мени аял, апа кылууда. Менин балам, сени күтөм. Сен мен үчүн аябай маанилүүсүң. Мени тандаганыңа рахмат", - деп жазган жакшылыгын бөлүшкөн учурда.