Орусияда күйөөсү аялын өлтүрүүгө аракет кылды

Орусиянын Кемерово облусунда киши аялын өлтүрүүгө аракет кылган деп шектелип кармалды. Бул тууралуу чет элдик басылмалар жазып чыгышты.

Окуя алар чогуу ичимдик ичип отурган учурда болгон. 36 жаштагы киши аялы менен балконго чыгып, алар урушуп кетишкен. Киши аялды биринчи кабатта жайгашкан балкондон ыргытып жиберген. Ички иштер министрлиги чыр-чатактын себебин ачыктаган эмес.

Өтүп бараткандар "Тез жардам" чакырышкан. Жабырлануучу травматология бөлүмүнө жеткирилип, ал ооруканага жатуудан баш тарткан. Медициналык жардам көрсөтүлгөндөн кийин күйөөсү аны көчөдөн тосуп алып, башына бөтөлкө менен урган.

"Аялга баш мээ жаракаты, жүлүндүн контузиясы жана байламтасынын чоюлушу диагнозу коюлган",- деп айтылат расмий билдирүүдө.

Медицина кызматкерлери окуя тууралуу полицияга билдиришкен. Аялдын абалы орточо деп бааланган.

Кол салган адамга кылмыш иши козголуп, сот аны бир жылга шарттуу түрдө эркинен ажыраткан.