Өлкөдө ОРВИ жана сасык тумоо менен ооругандардын саны көбөйүүдө 

Өлкөдө ОРВИ жана сасык тумоо менен ооругандардын саны көбөйүүдө. Бул тууралуу бүгүн, 17-ноябрда Саламаттыкты сактоо министрлиги билдирди.

Маалыматка ылайык, ушул жылдын акыркы жумасында республика боюнча 7 миң 966 учур ОРВИ жана сасык тумоо катталган. Бул көрсөткүч өткөн жумага салыштырмалуу 17,3 пайызга көп болгон. Ооругандардын 65 пайыздан көбү 14 жашка чейинки балдар. Ал эми ооругандардын 8 пайыздан көбү ооруканага жаткырылган.

Бишкек, Ош жана Токмок шаарларында оор курч респиратордук инфекциялар жана сасык тумоого окшош оорулар боюнча байкоо көзөмөлү уланууда.

"Өлкөнүн бардык аймагында окуучулардын мектепке баруусуна мониторинг жүргүзүлүүдө. Бишкек шаарында акыркы жумада окуучулардын ОРВИден улам сабакка барбоо деңгээли 3,2 пайызды түзүп, сезондук нормада калууда",- деп билдирди министрлик.