Вашингтон менен Каракастын ортосунда чыңалуу күчөдү

АКШнын Аскер-деңиз күчтөрү дүйнөдөгү эң ири "USS Gerald R. Ford" согуштук кемеси баштаган сокку берүүчү топту Кариб деңизине киргизди. Бул баңгизаттарды ташыгандарга каршы багытталган "Түштүк найза" аталышындагы операция экендигин чет элдик басылмалар жазышууда.

Маалым болгондой, согуш кемесинде төрт миңге жакын аскер жана ондогон тактикалык учактар бар.

АКШ акыркы айларда Карибде маңзат ташыды деп шектелген бир нече кайыктарды жок кылганын билдирүүдө. Вашингтон муну транс улуттук кылмыштуулукка каршы күрөш деп түшүндүрөт.

Бул окуялар Венесуэла менен АКШнын мамилесин курчутту. Маалыматтарда Ак үй Венесуэладагы абалды турукташтырууга багытталган жашыруун операцияларга уруксат бергени айтылат. АКШ Венесуэла мамлекетинин президенти Николас Мадурону бул мыйзамсыз иштерге тиешеси бар деген таризде, аны кармоо үчүн 50 миллион доллар сунуштады.

Newsweek менен Miami Herald басылмалары америкалык аскердик кемелер Венесуэлага жакын турганын жана мүмкүн болуучу соккулар тууралуу божомолдорду жазышты.