Трамп: "АКШ армиясы дүйнөдөгү эң күчтүү армия болуп саналат"

АКШ президенти Дональд Трамп McDonald's компаниясынын иш-чарасында сүйлөп жатып, америкалык куралдуу күчтөрдүн согуштук мүмкүнчүлүктөрү калыбына келтирилгенин билдирди жана АКШ армиясын дүйнөдөгү эң күчтүү армия деп атады. Бул тууралуу чет элдик басылмалар жазышты.

АКШ лидери өлкө эң күчтүү армияга гана ээ эмес экенин, ошондой эле дүйнөдөгү эң сапаттуу аскердик техника чыгарарын баса белгиледи.

"Биз армиябызды калыбына келтирдик. Бизде дүйнөдөгү эң күчтүү армия бар жана биз дүйнөдөгү эң мыкты аскердик жабдууларды өндүрөбүз",- деди Трамп.

7-ноябрда Пентагондун башчысы Пит Хегсет АКШ зарыл болгон учурда бардык ресурстары менен согушка катышып, жеңишке жетерин билдирген.

5-ноябрда Дональд Трамп АКШ согуш баштоого кызыкдар эместигин айткан. Ошол эле маалда ал америкалык куралдуу күчтөрдү дүйнөдөгү эң кубаттуу армияга айландырганын белгилеген.