Ташиев "Мурас Юнайтеддин" машыктыруучусу эмнеден улам кызматынан кеткенин айтты
Кыргыз футбол биримдигинин президенти Камчыбек Ташиев Жогорку Лиганын клубдарынын жетекчилери менен жолугушуу учурунда "Мурас Юнайтед" клубунун машыктыруучусу Сергей Пучковдун эмнеден улам кызматынан бошотулганын айтты.
Анын айтымында, машыктыруучу оюнчуларга оозго алгыс сөздөрдү айтып, урушкан.
"Эгер ал оюнчуларга карата эмоциясын көзөмөлдөй албаса, анда андай машыктыруучу өлкөдө иштебейт. Стадиондо балдар, кыздар жана чоңдор отурат. Алардын көзүнчө сөгүнгөн машыктыруучулар бар. Трибунага карап сөгүнгөндөр да бар. Алар менен иш алып
барыңыздар. Мындай болбошу керек",- деди Камчыбек Ташиев.
Эске салсак, 12-ноябрда "Мурас Юнайтед" футболдук клубу Сергей Пучков жетектеген машыктыруучулук штабга жасаган эмгеги үчүн ыраазычылыгын билдирген.
Ташиев "Мурас Юнайтеддин" машыктыруучусу эмнеден улам кызматынан кеткенин айтты
0

Супер-Инфо
super.kg видео

















