Балбан Акжол Махмудов жеңиштен кийинки эмоциялары менен бөлүштү (видео)

Кыргыз балбаны Акжол Махмудов Сауд Арабиясында өтүп жаткан VI Ислам тилектештиги оюндарынын чемпиону болуп, жеңиштен соң эмоциялары менен бөлүштү.

Интернет желесинде анын өзбек спорт журналисттерине берген маеги тарап жатат. Анда Акжол жеңишин элине жана жерине арнай турганын билдирди.

"Бул жеңиш элим үчүн, жерим үчүн. Бул спорт. Бүгүн жакындарымды, машыктыруучуларымды кубантып жаткан болсом, мен да кубанычтамын. Кудай буюрса дагы иштеп (ред.: машыгып), алдыда чоң ийгиликтерди багындырабыз",- деди Акжол Махмудов.

Кыргыз балбаны чет элдик күйөрмандарына кол тамгаларды берип, куттуктоолорун алды.

Белгилей кетсек, грек-рим күрөшү боюнча 77 килограмм салмакта күч сынашып жаткан Махмудов финалда ирандык Абди Амирди мөөнөтүнөн мурда жеңип, алтын медалды утуп алды.