Тармакты өнүктүрүүнүн жаңы этабы: Beeline баалуу жыштык ресурсуна ээ болду

Beeline Кыргызстан мамлекеттик мобилдик оператору («Элдик Банк» ААК аркылуу мамлекетке таандык) 2575-2625 МГц радиожыштык спектрин пайдалануу укугуна ээ болду. Бул спектр – мобилдик интернетти өнүктүрүү үчүн акыркы жеткиликтүү жана эң баалуу диапазондорунун бири.

Beeline КРнын Санариптик өнүктүрүү жана инновациялык технологиялар министрлигине караштуу Байланыш тармагын жөнгө салуу жана көзөмөлдөө кызматы тарабынан өткөрүлгөн радиожыштыктар боюнча ачык онлайн аукционун утуп алды.

Бул жыштык ресурсу өтө маанилүү ролду ойнойт: ал тармактын өткөрө алгычтыгын жана мобилдик интернеттин ылдамдыгын бир топ жогорулатууга жана көп күч келген аймактарда да байланышты туруктуураак кылууга өбөлгө түзөт. Компания жыштыктарды ишке киргизүү боюнча даярдык иштерин жүргүзүүдө, ал эми жаңы жабдуулар иштей баштаганда, абоненттер байланыш сапатынын бир топ жакшырганын сезе башташат.

Бул жыштыктар – Beeline'дын инфраструктураны модернизациялоого жана жаңы муундагы технологияларга өтүүгө багытталган жаңы стратегиясындагы маанилүү кадам. Ошондой эле, бул жетишкендик – оператордун мамлекет менчигине өтүүсүнүн алгачкы маанилүү натыйжасы: улуттук телекоммуникациялык инфраструктура бекемделип, Beeline менен Элдик Банктын бирдиктүү санариптик экосистемасы өнүгөт.

Beeline мындан ары да кыргызстандыктарга заманбап санариптик технологияларды тартуулоо максатында өз тармагын кеңейтүү жана жаңыртуу иштерин уланта бермекчи.

Beeline – жаңы мүмкүнчүлүктөрдүн улуттук оператору.

КРнын СӨжИТМге караштуу БТЖСККнын 21.12.2016-жылдагы №15-1420-КР, 21.12.2016-жылдагы №16-1526-КР, 17.09.2024-жылдагы №14-1102-КР, 04.11.2024-жылдагы №14-1125-КР, 18.08.2025-жылдагы №16-0089-КР, 06.10.2021-жылдагы №21-0489-КР жана 07.02.2020-жылдагы №20-0388-КР уруксаттамалары.