Густав Климттин сүрөтү рекорддук суммага сатылды

Густав Климттин "Элизабет Ледерердин портрети" аталышындагы сүрөтү Нью-Йоркто 236,4 миллион долларга сатылды. Бул тууралуу DW басылмасы жазды.

Sotheby’s аукцион үйүнүн маалыматына караганда, сатуу 20 мүнөткө созулган. Сүрөттү кимдин сатып алганы ачык айтылган жок.

Sotheby’s портретти "көз карандысыз заманбап искусство тарыхындагы эң кымбат чыгарма" деп атады.

Густав Климт аукциондордун тарыхында Леонардо да Винчиден гана артта калган, 2017-жылы анын "Дүйнөнүн куткаруучусу" сүрөтү 450 миллион долларга сатылган.

Густав Климттин сүрөтүндө өнөрпоздун негизги демөөрчүлөрүнүн бири болгон Аугуст Ледерердин кызы Элизабет Ледерер көрсөтүлгөн. Кыз ак кийимчен, кытай стилиндеги элементтер менен тартылган.

Сүрөт 1914–1916-жылдары тартылган. Экинчи дүйнөлүк согуш учурунда сүрөт фашисттер тарабынан конфискацияланган, бирок кийинчерээк Ледерерлер үй-бүлөсүнө кайтарылган. Акыркы жылдары сүрөт Estée Lauder компаниясынын мураскери Леонард Аланд Лаудердин коллекциясына кирген, ал 2025-жылдын июнунда каза болгон.