Кадастрдын Ош филиалындагы директордун орун басары кармалды

УКМК Жер ресурстары, кадастр, геодезия жана картография боюнча мамлекеттик агенттиктин Ош филиалынын башчысынын орун басары Ш.К.С. кармалганын билдирди.

Маалыматка таянсак, ал жеке адамдардын кызыкчылыгы үчүн жалпы аянты 55,36 гектар жер участогун мыйзамсыз өткөрүп берүүгө шектелүүдө.

"Тергөөнүн жүрүшүндө Ш.К.С. мыйзамда белгиленген тартипти бузганына карабастан, айрым кызмат адамдары менен кутумга барып, 55,36 гектар аянттагы жер участогунун максаттуу багытына өзгөртүү киргизүү менен жеке менчик укугу жөнүндө мамлекеттик акт түзгөнү аныкталган", - деп жазылат билдирүүдө.

Ушул жылдын 20-ноябрында Ош шаардык соту Ш.К.С.ны УКМКнын тергөө абагына камакка алуу чечимин чыгарган.

Учурда тергөө амалдары жүрүп жатат.