Супер-Инфо
super.kg видео
Чүйдө курал-жарактарды мыйзамсыз сактап жүргөн жаран кармалды
Чүй облусунда мыйзамсыз баңгизаттарды жана курал-жарактарды жүгүртүүгө шектелген жаран кармалды. Бул тууралуу бүгүн, 24-ноябрда облустук милициядан кабарлашты.
Маалыматка ылайык, 13-ноябрда милицияга Москва районундагы Садовое айылында Р. аттуу киши баңгизаттарды колдонуп, үйүндө баңгизаттарды жана курал-жарактарды сактап жүргөнү тууралуу маалымат түшкөн.
Бул факт каттоого алынып, текшерүү башталган. Анын жүрүшүндө 1966-жылы туулган У.Р. аттуу жаран кармалды.
Аталган факт боюнча Кылмыш-жаза кодексинин 283-беренеси (Баңгизат каражаттарын, психотроптук заттарды жана алардын аналогдорун сатып өткөрүү максатысыз мыйзамсыз даярдоо) жана 267-беренеси (Куралды, ок-дарыларды мыйзамсыз жүгүртүү) боюнча кылмыш иши козголду.
Шектүүнүн үйүндө тинтүү жүргүзүлүп, төмөнкү заттар алынган:
- анаша жыттуу, күрөң түстөгү эки пакети (салмагы 138 грамм жана 102 грамм);
- баңгизаттарды чегүү үчүн жасалган түтүк;
- пластик бөтөлкө;
- жасалма тапанча;
- обрез мынтыгы;
- граната;
- 8 даана ок, 1 даана патрон, 1 даана гильза;
- кутучада порох;
- 2 бычак.
Бардык алынган буюмдарга жана заттарга тиешелүү соттук экспертизалар дайындалды. Шектүү кармалып, убактылуу кармоочу жайга киргизилди.
Текшерүү иштери улантылууда.
Урматтуу колдонуучу! Эгер сизде коомчулуктун көңүлүн буруп, талкууну талап кылган жаңылыгыӊыз болсо биз менен бөлүшүӊүз.
Рубрикадагы соңку кабарлар
Рейтинг: 
0
0
Комментарийлер(0)
Комментарий калтыруу үчүн өз ысымыңыз менен кириңиз же каттоодон өтүңүз.